見足十二小時的一天 XD

Chapter 1 學校

今日9點就起左身出街，陪老婆返學校去拿書，特登請假的，好偉大。

我地好勁，學校門口出面拖手；事實證明，浪漫果然是出軌的。

果支青檸唔知咩幾好飲。

結果老婆拿左兩本書，好重，真係好重 ... 狽左一日，你點報答我先  

Chapter 2 唱k

無啦啦俾左間大房我地，聽到自己把聲勁怪，攪到唔識唱

唱左一個鐘之後先俾我發現到最佳位置

老婆唱歌仍然好聽特別係唱Janice  ... 埋單一百蚊唔駛仲有埋lunch 食 ... 都OK ...

Chapter 3 劇痛 =.="

唱完K行街 XD 經過一間飾物店 ... 然後好英勇地就穿左耳洞了 ...

其實我是極度害怕它發炎的說 ... 勁麻煩

做手術果時我冇望住任何人 ... 因為我已經驚到拿埋哂口臉唔俾人見到 ... 特別係你 ... XD

之後 baby 捉實我隻手 ... 唔 ... 果下好開心 ... 釘多幾個洞都唔怕 ...

咁順手選埋耳環啦，老婆一對，我又一對。

我地仲交換埋個袋狽，勁好玩。

Chapter 4 頭cool

有間野外表好掂，仲好貴，個SALES話Joey個頭大，激到佢紮紮跳 ... 其實我好想偷笑  

邊有人咁做生意 ... 最後我地都幫襯左佢買野，後來仲發現買貴左好多

Chapter 5 太鼓之達人

第一次打高難度成功左 ...

仲俾人打爆左半隻牙，好痛，不過算喇，你冇心既 ^____^ 

Chapter 6 波板糖

傻瓜，我買波板糖給你是有原因的。

波板糖在每一個人的童年心目中都是其瑰寶。

象徵著一段又一段開心的故事，被痛錫的回憶；

當然，很多時這只是童話裡面的劇情，我的父母從來都沒有買過波板糖俾我。

我唔知 ... 我是否第一個送你波板糖的人 ... 然而 ... 我希望 ... 我會為你帶來快樂 ... 和幸福 ...

這是一個協定哦 ...
------------------------------------------------------------------
話可能已經說得太多，對不起 ...

要是我的說話令你傷心的話 ... 我寧願自己接受好了 ... 我不會再說 ...

我不要真正的你消失 ... 我不要你假裝的對著我 ...

喜歡一個人就是要喜歡她的全部 ... 那麼 ... 我告訴你 ... 我不要你改變 ...

Sorry ... My Wife Joey ... I love You ...... Until The End Of The Time ...

2007年8月26日

Chapter 1 訓覺

今朝九點就起左身，執屋執左好耐，差少少就唔記得左十點要叫老婆起身。=V="

點知有人都幾懶訓bor。XDDDD

　

Chapter 2 屋企

十二點半左右落左去接Joey上黎，行一陣商場左，租左隻《死神再3來了》上去睇

仲好有陰謀咁去7-11買金莎，諗住接金莎花俾老婆喇。（點知佢竟然估到 =V=）

媽媽唔係到，老婆今次第三次黎，開始習慣咁，仲識得"朗"腳睇碟，我呆左。

套戲班友全部死哂，好野蠻既劇情，無啦啦就要死，應該叫《死神再3屈機》先真。

Chapter 3 屯門美食廣場

今次美食搜查隊完全中招，「亞洲美食，十級難食。」

竟然相信左一個八婆既說話，廢話少講，有圖為證，去片。

　

拿拿拿，就係佢喇 ... 呢間野又貴又廢，

仲要整個咁既女人出黎說三道四，係咁屈你買佢間野既食物，真係唔要得。

表面上，佢地既出品好似好好味咁，實際上 ...

全部都係垃圾，講真，我對食其實冇咩要求，真係好少會咁串咀，證明呢間野的確要執。

唯一比較好既係個薄餅，不過我睇住個阿差係咁整，唔帶手套，一陣又抹下汗咁 ... 未洗過手？

諗起都反胃 .......

繼旺角大快活之後又一力作，屯門美食廣場，亞洲美食，認住佢，食完唔死包你有後福。

最後我地當然投訴呢間又貴又廢既害群之馬。

**** 咩叫沙律令人感到不安？Joey食到語無倫次喇。

Chapter 4 一秒感動

有一剎那極感動的，老婆見到我個羊肉飯實在太難食，突然間行左出去，

帶住盒野返黎 ... 原來係買俾我食 ....... 好感動 ...

一路食，心裡面一路感動緊，流緊眼淚。 

你呀 ... 真係抵錫。

Chapter 5 太陽眼鏡 + 手機太鼓

食完野之後繼續行街街，我地試帶左好多眼鏡。XD

老婆帶眼鏡即刻細個左好多，變身，令人驚訝，不過都幾得意。

遲少少返去買返副太陽眼鏡先，八十蚊幾抵。

最後我地去左M記食雪糕同埋打手機太鼓，總括來說今日好窮，但係好開心。

 

見家長 XDDDD

2007年8月23日

Chapter 1 踩場上我屋企 XD

本日照常返工，雖然放得好遲，5:30PM ...

不過對我地黎講都只不過係少少障礙，不放在眼內。

Joey見到我媽媽竟然勁驚慌，不過最估唔到既係我老豆個樣，扮哂仁慈係咁微笑，好好笑。

總括來講，Migi 同 Bobo 都算好乖，起碼唔會吠得到比人罵。

Chapter 2 彩虹甜品屋

因為老豆要訓覺，結果我地八點幾走左，之後去左馳名北區既彩虹甜品屋，

左手邊果個係香芋雪糕西米露豆腐花，右手邊係珍珠 ... 唔記得左個名 ...

兩個都好好食，特別係雪糕，放落口會慢慢先溶。

原來老婆唔鍾意食豆腐。

有機會真係帶老婆黎多幾次，雖然今次係我第一次帶女朋友去食甜品。

Chapter 3 太鼓

食完甜品後去GAME 88 打太鼓，竟然冇咩人，雖然得一部機且出名貴，不過音樂聽得好清楚。

Chapter 4 粉紅色 

令人驚喜的是老婆今天的衣著，與平時好唔同，睇得出你花左唔少心機。XDDDD

第二次睇戲

 2007年8月22日

Chapter 1 買戲票 =.="

老婆悶，所以又即興咁去左睇戲 － 連體孤魂 

約左7點半；5點半放工即刻飛出去，點知Joey都係遲過我 XDDD 

最初諗住睇9點果場，竟然 ...

賣飛阿嬸：9點冇位la wor

賣飛阿嬸：10點9果場都冇咩位la wor

星期三都咁多人 !？ ... 我頂你丫 ...（下刪一萬字粗口）

結果我都係決定左坐最前果行。XDDDD



Chapter 2 大快活 =V="

有排都未開場，咁就行下街先喇 ...

因為幾肚餓，去左大快活食，本來想叫唔知咩天使麵 ... 不過勁貴 =_="

結果食咖哩雞排飯，塊雞排未熟架 .......

之後去左附近打機，老婆玩太鼓愈來愈勁，肚痛左成晚  

Chapter 3 大根 =W="

入手地點：潮流特區

價錢：$50

抵買指數：

隻大根帶住個兔仔套，幾得意既，我都忍唔住買左送俾老婆

套戲都幾好睇，不過有班傻仔係度玩靠嚇，勁嘈 ...

Chapter 4 第一次入戲院睇鬼片 ... 連體孤魂 + I See You

初頭入到去戲院覺得好細，好似俾人搵笨咁 ...

開場前走左班傻仔入黎，係度靠嚇 =.="

傻仔A ：I See You ....

傻仔B ：Fuck You ....

回頭一望，哇，老婆個樣勁唔"KER" ...

好彩我轉危為機咋，結果有人睇鬼片當笑片 XDD

套戲好多野我都唔驚，反而最驚既係隻死人眼 ... 真係好兇 =.="""

以鬼片黎講，算好有劇情，估佢唔到個結果會係咁 ...

好睇指數：

Chapter 5 搭車返屋企

有人唔知點返屋企，哈哈，唔知你個心有冇淆底呢。

結果在我英明的領導下安全地搭巴士回家了。



老婆豬，個頭整得幾得意。XDDDDDDD

又落雨。

返工前打返篇日記先。

尋日本來有得出去玩，不過最後都係冇去到，

Annie打比我，好突然，不過我冇即刻cut佢線，證明我放得低。

之後太累，頂唔順早訓左，sorry ...  

第二朝起身發燒 + 周身冇力，而家死去返工了，又落大雨。

唔通連個天都唔鍾意我？ XD